Leagann an tAontas amach a Straitéis Dhigiteach Idirnáisiúnta

Ós rud é go bhfuil geilleagair agus sochaithe á n-athmhúnlú ag an réabhlóid dhigiteach i dtimpeallacht gheopholaitiúil dhomhanda atá níos dúshlánaí ná riamh, léirítear i Straitéis Dhigiteach Idirnáisiúnta nua an Aontais gur comhpháirtí cobhsaí iontaofa é an tAontas, atá oscailte don chomhar digiteach le comhghuaillithe agus comhpháirtithe.

Cé go ndéanfaidh an tAontas a sheacht ndícheall borradh a chur faoin iomaíochas san intleacht shaorga agus i bpríomhtheicneolaíochtaí eile sa bhaile, oibreoidh sé freisin le comhpháirtithe chun tacú lena n-aistriú digiteach féin. Athdhearbhaítear sa Straitéis tiomantas an Aontais ord digiteach domhanda riailbhunaithe a thógáil, i gcomhréir lena bhunluachanna.

Tá na cuspóirí seo a leanas ag an Straitéis:

• Chun comhpháirtíochtaí idirnáisiúnta a leathnú, trí Chomhpháirtíochtaí Digiteacha agus Idirphléití Digiteacha atá ann cheana a dhoimhniú, trí chomhpháirtíochtaí nua a bhunú, agus trí chomhar a chothú trí Líonra Comhpháirtíochta Digití nua, neartóidh an tAontas a iomaíochas agus a shlándáil teicneolaíochta chomh maith le hiomaíochas agus slándáil a chomhpháirtithe.
• Tairiscint Ghnó Teicneolaíochta an Aontais a chur in úsáid, trí infheistíochtaí ón earnáil phríobháideach agus phoiblí san Aontas a chomhcheangal chun tacú le haistriú digiteach tíortha comhpháirtíochta, lena n-ionchorpraítear comhpháirteanna amhail Monarchana IS, infheistíochtaí i nascacht shlán iontaofa, Bonneagar Poiblí Digiteach, cibearshlándáil, agus go leor eile.
• Rialachas digiteach domhanda a neartú, trí ord digiteach domhanda riailbhunaithe a chur chun cinn, i gcomhréir le bunluachanna an Aontais.

Léigh an phreaseisiúint iomlán agus na ráitis ón Leas-Uachtarán Feidhmiúcháin Virkkunen.

Tuilleadh eolais

• Teachtaireacht Chomhpháirteach
• Bileog eolais - Straitéis Dhigiteach Idirnáisiúnta
• Leathanach beartais - Caidreamh Idirnáisiúnta 
• Leathanach beartais – An Straitéis Dhigiteach Idirnáisiúnta don Aontas Eorpach